(NI DAHLIA S. ANIN)

NAG-ANUNSIYO ang ilang paaralan ng suspensyon ng kanilang klase upang bigyang daan ang gaganaping South East Asian Games sa bansa.

Mula Disyembre 2-7 (Lunes-Sabado)suspendido ang klase sa Arellano Law School at St. Scholastica’s College.

Habang ang St. Paul College Pasig at St. Pedro Poveda College ay wala ring pasok mula Disyembre 2-6 (Lunes-Biyernes).

Nauna nang nagdeklara ng suspensyon ng klase at pasok sa opisina ang Dela Salle University sa Maynila mula Disyembre 2-7.

Ito ay tugon na din sa rekomendasyon ng MMDA upang makaiwas sa matinding traffic sa mga nasabing petsa.